Ուիթնի Հյուսթոնին սպանե՞լ են

Հոլիվուդի ամենահայտնի մասնավոր դետեկտիվներից մեկը` Փոլ Հեբլը, հայտարարել է, որ հայտնի երգչուհի Ուիթնի Հյուսթոնին սպանել են. հաղորդում է Lifenews-ը:

Նա պատրաստվում է ապացույցներ ներկայացնել առ այն, որ երգչուհին սպանվել է թմրադիլերների կողմից, որոնց պարտք է եղել 1,5 միլիոն դոլար:

«Նրա մարմնի վրայի հետքերն ապացուցում են, որ նա մինչև վերջին պահը պայքարել է ինչ-որ մեկի հետ իր կյանքի համար: Ես համոզված եմ, որ նրա մահը պատահական չի եղել»,- ասել է դետեկտիվը:

Հիշեցնենք, որ 2012թ. փետրվարին Ուիթնի Հյուսթոնին հյուրանոցային իր համարում մահացած էին գտել: Փորձաքննությամբ պարզվել էր, որ նա մահացել է թմրանյութերի չարաշահումից: