12-ամյա աղջնակը կանգնեցրել է անկառավարելի ավտոբուսը ու փրկել համադասարանցիներին

ԱՄՆ Մինեսոտա նահանգի Լեյք Էլմո քաղաքում օրերս հոլիվուդյան ֆիլմի սցենարով միջադեպ է տեղի ունեցել:

7-րդ դասարանի աշակերտներին դահուկներով սահելու տանող ավոտբուսի վարորդը ճանապարհին կաթված է ստացել: Արդյունքում` մեքենա կորցրել է կառավարումը եւ դուրս եկել ճանապարհից. տեղեկացնում է ИТАР-ТАСС-ը:

Երեխաները սկսել են գոռալ ու լաց լինել, սակայն 12-ամյա Ռենա Քրաֆթսոնը չի կորցրել ինքնատիրապետումը, իրեն գցել է վարորդի մոտ, սեղմել արգելակները ու կանգնեցրել ավտոբուսը:

Դպրոցական խորհուրդը որոշել է պարգեւատրել հնարամիտ աղջնակին, իսկ նա համադասարանցիների հետ պատրաստվում է գնալ վարորդի մոտ հիվանդանոց եւ շնորհավորել նրան Սուրբ Ծննդյան տոնի կապակցությամբ: