Հարությունյան-Փաշինյան բանավեճի տեղն ու ժամը հայտնի է

«Կփոխանցե՛ք Դավիթ Հարությունյանին, որ ես ընդունում եմ նրա հետ բանավեճի հրավերը՝ ժամի ու տեղի հավելյալ ճշտումից հետո»,- երեկ ԱԺ-ում հայտարարել էր ՀԱԿ խմբակցության պատգամավոր, Էթիկայի հանձնաժողովի նախագահ Նիկոլ Փաշինյանը։

«Երկիր Մեդիա»-ն տեղեկացնում է, որ Նիկոլ Փաշինյանը երեկ արդեն ընդունել է հեռուստաընկերության հրավերը։ Այսօր իր համաձայնությունն է հայտնել նաեւ ԱԺ պետաիրավական հարցերի մշտական հանձնաժողովի նախագահ, Էթիկային հանձնաժողովի կազմավորման կարգը փոխելու նախաձեռնության հիմնական հեղինակ Դավիթ Հարությունյանը։ Բանավեճը կկայանա դեկտեմբերի 24-ին` ժամը՝ 23:00, «Երկրի հարցը» ծրագրի շրջանակում։

Ենթադրվում է, որ բանավեճը թեժ է լինելու` հաշվի առնելով այն հանգամանքը, որ օրինագծի հիմնական զեկուցողը Դավիթ Հարությունյանը չէր, եւ ընդդիմության բազմաթիվ փաստարկներին չի պատասխանել: