Բջջային հեռախոսը` դանդաղ գործող ռումբ

Ավելի քան 200 ակադեմիական ուսումնասիրություններ բջջային հեռախոսների օգտագործումը կապում են առողջական խնդիրների, ներառյալ` քաղցկեղային հիվանդությունների հետ. տեղեկացնում է doctors.am-ը:

Բրիտանացի գիտնականների խումբը հայտարարել է, որ կառավարությունը թերագնահատում է այն վտանգը, որը գալիս է այս սարքերից: Մասնավորապես` հեռախոսները վտանգավոր են երեխաների համար:

Մասնագետներն առաջարկում են դպրոցներին, խանութներին ու առողջապահական համակարգի աշխատողներին միանալ ծրագրին, որն ուղղված է հեռախոսների կիրառության կրճատմանը: Մինչդեռ արդեն հայտնվել են քննադատներ: Նրանց կարծիքով` գիտնականները բերում են ոչ համոզիչ փաստեր, իսկ ծրագիրը պարզապես անտեղի խուճապ կառաջացնի:

Իրենց հերթին, մասնագետները հավատացնում են, որ հեռախոսի բացասական ազդեցություն ունի սպերմատոզոիդների քանակի և ուղեղի բջիջների վրա: Առաջարկվում է նույնիսկ նախազգուշացումներ տեղադրել հեռախոսներին, ինչպես դա արվում է ծխախոտի դեպքում: