Վրաստանը ՆԱՏՕ-ին չի ներքաշի Ռուսաստանի հետ նոր պատերազմի մեջ

Եթե Վրաստանը ՆԱՏՕ-ի անդամ դառնա, ապա Դաշինքին չի ներքաշի Ռուսաստանի հետ հնարավոր պատերազմի մեջ. Washington Times-ին տված հարցազրույցում ասել է վրացական խորհրդարանի խոսնակ Դավիթ Բաքրաձեն:

«Մենք միակողմանիորեն պարտավորվել ենք ուժ չկիրառել, այս պատճառով ոչ մի կերպ խնդիր չենք ստեղծի ՆԱՏՕ-ի համար` 5-րդ հոդվածի կիրառման հարցում»,- ասել է նա:

ՆԱՏՕ-ի ստեղծման պայմանագրի 5-րդ հոդվածում ասվում է, որ դաշինքի անդամ երկրներից մեկի վրա հարձակումը համարվում է հարձակում բոլոր անդամ երկրների վրա:

Բաքրաձեն նաեւ հավելել է, որ թեեւ Մոսկվայից հնչող սպառնալիքներին, Ռուսաստանի հետ հակամարտության շանսերն ավելի քիչ են, քան 2008-ի օգոստոսյան պատերազմից առաջ: Նա համոզված է, որ Աբխազիայում եւ Հարավային Օսիայում ռուսական զորքերի ներկայությունը չպիտի խորընդոտ լինի Վրաստանի`ՆԱՏՕ-ին անդամակցելու համար: