Հովիկ Աբրահամյանը հրաժարական կտա

Մեր ունեցած տեղեկությունների համաձայն` ԱԺ նախագահ Հովիկ Աբրահամյանը հրաժարական է տվել: Մեր նույն աղբյուրի հավաստմամբ` հրաժարականը պայմանավորված է ՀՀԿ-ի նախընտրական շտաբը ղեկավարելու հետ:

ՀՀԿ-ում այսօր  դարձյալ խորհրդի նիստ էր, որին մասնակցում է նաեւ նախագահ Սերժ Սարգսյանը:

Ավելի վաղ ԱԺ ՀՀԿ խմբակցության ղեկավար Գալուստ Սահակյանը հայտարարել էր, որ խորհրդի նիստերին սովորաբար քննարկվում են խորհրդի եւ տարածքային կառույցների աշխատանքները: «Եթե պաշտոնանկություններ լինեն, դա էլ կքննարկենք, սակայն սենսացիաներ չեն լինի»,- խոստացել էր նա:

Նա տեղեկացրել էր, որ ՀՀԿ խորհրդի նիստերը սովորաբար գումարվում են տարվա ընթացքում երեք անգամ եւ դրանց ընթացքում  քննարկվում են խորհրդի կատարած աշխատանքները: