Ընդդիմությունը կարող է 50 տոկոսից ավելի ձայներ հավաքել

Նախագահի իմպիչմենտին հասնելու համար  ԱԺ-ում պետք է առավելություն ունենալ: Խորհրդարանի միջոցով որակական փոփոխություններ ապահովելու համար պետք է քանակական առումով մեծ ներկայություն ապահովել. լրագրողների հետ հանդիպման ժամանակ նշեց ԱԺ ՀՅԴ խմբակցության ղեկավար Վահան Հովհաննեսյանը եւ հավելեց, որ ճիշտ աշխատելու դեպքում ընդդիմությունը խորհրդարանում կարող է 50 տոկոսից ավելի ձայներ հավաքել:

Խնդիրն, ըստ նրա, այն է, որ երեք նախագահների փորձն էլ ցույց է տալիս, որ կառավարման նախագահական համակարգը Հայաստանի համար թունավոր է, երբ անգամ ամենափոքր հարցերը լուծվում են նախագահի շրջանակում:

Անդրադառնալով ՀՅԴ-ի կողմից այլ ուժերի հետ հավանական համագործակցություններին` Վ. Հովհաննեսյանը նշեց, որ համագործակցության առաջարկություն եղել է, բայց չցանկացավ նշել, թե որ ուժերն են այդ հարցով դիմել: