Հերթական մահը՝ բանակում

ԼՂՀ պաշտպանության բանակի զորամասերից մեկում գրանցվել է հերթական մահվան դեպքը:

Տեղեկատվության համաձյան՝ հոկտեմբերի 29-ին` 17:40-ի սահմաններում, ԼՂՀ Հադրութի շրջանի զորամասերից մեկի պատի տակ գտել են 19-ամյա Արմեն Համլետի Մողրովյանի դիակը, ով բանակ է զորակոչվել Արթիկի զինկոմիսարիատից: Տեղեկությունը հաստատել են նաեւ պաշտպանության նախարարության լրատվական ծառայությունում:

Պաշտոնական վարկածով` զինվորը հանկարծամահ է եղել, եւ այսօր կատարված դիահերձման արդյունքում պարզվել է, որ մահը վրա է հասել սրտի պսակաձեւ անոթների շրջանառության սուր խանգարման հետեւանքով: ՊՆ լրատվական ծառայության պնդմամբ` զինվորի դիակի վրա բռնության հետքեր չեն հայտնաբերվել: