Հերթական դժբախտ պատահարը բանակում

Դժբախտ դեպք է գրանցվել Հայաստանի զինված ուժերում:

Հայաստանի պաշտպանության նախարարության քննչական ծառայությունից տեղեկացնում են, որ հուլիսի 15-ին` ժամը 20:30-ի սահմաններում, Հայաստանի ՊՆ N զորամասի ժամկետային զինծառայող, 23-ամյա Խաչատուր Հրաչիկի Թադեւոսյանը` (զորակոչված Շենգավիթի զինկոմիսարիատից), մարտական հենակետում խախտելով զենքի հետ վարվելու կանոնները, ինքնաձիգով կրակել եւ անզգուշությամբ սպանել է համածառայող, 19-ամյա Կոլյա Հովհաննեսի Մեսրոպյանին` (զորակոչված Կենտրոնի զինկոմիսարիատից):

Փաստի առթիվ Հայաստանի ՊՆ քննչական ծառայության ութերորդ կայազորային քննչական բաժնում ՀՀ քր. օր-ի 373-րդ հոդ. 3-րդ մասով հարուցվել է քրեական գործ: Կատարվում է նախաքննություն: