Բերբերյանը լուրջ ազդեցություն է ունենալու ընտրությունների վրա

ՀՀ նախագահի` «Բոլորս դեպի գյուղ» կարգախոսը ողջունվեց բոլորի կողմից, սակայն ոչինչ չարվեց գյուղատնտեսության ոլորտում բարեփոխումներ իրականացնելու ուղղությամբ. «Երկիր»-ին ասաց Ագրարագյուղացիական միավորման նախագահ Հրաչ Բերբերյանը:

Ասուլիսներից մեկի ժամանակ նա հայտարարել էր, թե իրենց միավորումը կներկայացնի, թե քաղաքական որն ուժն ինչ արջի ծառայություն է մատուցել գյուղատնտեսության ոլորտին։ Իսկ թե ե՞րբ  դա տեղի կունենա, Բերբերյանը խոստացավ. «Նոր տարուց հետո այդ նվերը կանենք: Ես չեմ մոռացել իմ ասածը եւ ժամանակին կանեմ այդ հայտարարությունը, որպեսզի գյուղացին տեսնի, թե ով է իր համար «բարեգործ» եղել եւ դրանից հետո նոր գնա ընտրությունների: Դա ընտրությունների վրա լուրջ ազդեցություն է ունենալու»: