Թուրքերը ռմբակոծում են հյուսիսային Իրաքը

Թուրքական օդուժը ռմբակոծել է Իրաքի հյուսիսում տեղակայված քուրդ զինյալների ռազմակայանները. տեղեկացնում է mignews.com-ը:

Թուրքական գլխավոր շտաբը գործողության մանրամասները եւ արդյունքները դեռ  չի հրապարակել, միայն նշել է, թե հիմնական գործողությունն իրականացվում է Թուրքիայի տարածքում:

Ռազմական փորձագետների կարծիքով` անհրաժեշտ է ոչնչացնել զինյալների հիմնական ճամբարները Զապ եւ Հաքուրք շրջաններում, որոնք գտնվում են Թուրքիայի սահմանից 20-30 կմ հեռու: «Գործողությանը մասնակցում է 22 գումարտակ` մոտ 10-12 հազար զինծառայող: Այդ թվաքանակը վատ չէ ցամաքային գործողության համար, սակայն վերջնական հաջողության հասնելու համար անհրաժեշտ է 50 հազարանոց զորք»,- ասել է թուրք պաշտոնաթող գեներալներից մեկը: