Հասարակությունն ուզում է արաբական սցենար. Զոյա Թադեւոսյան

Երեւանցիներն իրենց տրամաբանությունը կառուցել են գաղափարի վրա, որ պետք է գնալ կոնկրետ գործողությունների: Հասարակությունը ցանկանում է կոնկրետ գործողություններ, իսկ դա արաբական մոդելի իրականացումն է, ինչը ՀԱԿ-ը մերժում է. լրագրողների հետ հանդիպման ժամանակ ասաց ՀԱԿ անդամ Զոյա Թադեւոսյանը:

«Երկիր»-ի այն դիտարկմանը, թե մի՞թե հասարակությունը բախումներ է երազում, ՀԱԿ անդամը կրկին վստահեցրեց, որ հասարակությունն իշխանափոխություն է ուզում այդ ճանապարհով:

«Ի՞նչ են նշանակում բախումներ: Եթե իշխանություններն այնքան խելամիտ գտնվեն, որ իրականում հաշվի նստեն հասարակության լայն շերտերի պահանջի հետ եւ գնան արտահերթ ընտրությունների, այո, բախում չի լինի: Բախումը որեւէ մեկի նպատակը չէ, եւ բախման ճանապարհով իշխանափոխության գնալն ամենեւին էլ ՀԱԿ-ի օրակարգում չէ»,- նշեց Զոյա Թադեւոսյանը եւ մեկ անգամ եւս վստահեցրեց, որ հանրահավաքն այն միակ ճանապարհն է, որով կարելի է մոբիլիզացնել ժողովրդին:

Նա հայտարարեց, որ ՀԱԿ-ի օրակարգն արմատապես փոխվել է, եւ «հոկտեմբերի 28-ին խոսքը կոնկրետ գնալու է նախագահի աթոռը զբաղեցնողի հրաժարականի մասին»: