Մեսսին թաքնվել է օդաչուի խցիկում

Վենեսուելայից կրած պարտությունից (0:1) հետո Արգենտինայի հավաքականի ավագը  բազում արկածներ է ունեցել մինչև Բարսելոնա հասնելը: Լեոնել Մեսսին վերջին մարդն է եղել, ով բարձրացել է օդանավ: Չնայած ինքնաթիռի լույսերն արդեն անջատված են եղել` մարդիկ ճանաչել են արգենտինացի աստղին և իրարանցում սարքել:

Ստեղծված իրավիճակում Մեսսին ստիպված է եղել իր համար թաքստոց գտնել և առանց վարանելու ներխուժել է օդաչուի խցիկ: Արգենտինացին մինչև թռիչքի ավարտը մնացել է այնտեղ և վերջում լուսանկարվել օդաչուի հետ:

Հիշեցնենք, որ սա ֆուտբոլիստի առաջին խախտումը չէ օդանավում: Գարնանը, երբ Մեսսին ստացավ «Ոսկե գնդակ» մրցանակը, Վալենսիա-Բարսելոնա թռիչքի ընթացքում նշել էր իր ուրախությունը` վնասելով օդանավի վթարային ելքերից մեկը: