ԺՈՂՈՎՈՒՐԴ. Պետք է հեռվից նայել

«Մալիբու» սրճարանի մոտ ընթացող էլիտար շինարարության վրա անհաջող ներդրումներ կատարած անձինք, թերթի տեղեկություններով, այսօր նորից հավաքվելու են`իրենց հետագա գործողությունների ծրագրի մանրամասները հստակեցնելու համար:

Հիշեցնենք, որ շուրջ 100 քաղաքացիներ «քցվել» են «Հերմես» ՍՊԸ-ի կողմից, որի առնչությամբ դատաքննությունը Վճռաբեկ դատարանում կմեկնարկի հոկտեմբերի 23-ին: Նրանք գումար են տվել, որ բնակարաններ ձեռք բերեն, սակայն բնակարաններն այսօր բանկում են գրավադրված:

Ի դեպ, այս առնչությամբ թերթի երեկվա հրապարակումից հետո էլիտար կառուցապատողի կողմից խաբված 100 սեփականատերերից մեկը զանգահարել էր խմբագրություն եւ սրամտել. «Հայաստանին պետք է հեռվից նայել»: