Սպասում են փաստաբանին

Տեր Եսայի քահանա Արթենյանն այսօր լրագրողների հետ հանդիպման ժամանակ պատմեց ծեծի ենթարկվելուց հետո Եհովայի վկայի դեմ իր հարուցած դատական գործի և չկայացած դատավարությունների մասին:

«Դատական նիստերից ոչ մեկ դեռ չի կայացել, ամեն անգամ ինչ-ինչ պատճառներով հետաձգում են այն»,- ասաց Սուրբ Երրորդություն եկեղեցու հովիվը` հավելելով, որ պատճառներից մեկն էլ այն է, որ Եհովայի վկաները սպասում են Կանադայից իրենց փաստաբանի ժամանմանը:

«Այս ամենից հասկացա մի իրողություն, որ նրանց թեկուզ մի աննշան վիրավորանք հասցնես, անմիջապես գնում են ոստիկանություն: Իմ` դատական հայց ներկայացնելուց հետո, Եհովայի վկաները  գնացել ու իմ դեմ հայց են ներկայացրել` պահանջելով, որ իմ ներկայացած դատական հայցը մերժեն և իրենցը ընդունեն»,- պատմեց քահանան: