Մեզ հաշվառելու են

Հոկտեմբերի 12-ին Հայաստանի Հանրապետությունում կսկսվի մարդահամարը:

Այսօր տեղի է ունեցել մարդահամարի նախապատրաստման եւ անցկացման համապետական հանձնաժողովի նիստը: Այն վարել է հանձնաժողովի նախագահ, ՀՀ փոխվարչապետ Արմեն Գևորգյանը:

ՀՀ ազգային վիճակագրական ծառայության նախագահ Ստեփան Մնացականյանը կատարված աշխատանքների վերաբերյալ ամփոփ տեղեկատվություն է ներկայացրել: Արմեն Գեւորգյանը հորդորել է բոլոր պատասխանատու կառույցների ներկայացուցիչներին, որպեսզի նրանք աջակցեն գործընթացի պատշաճ մակարդակով կազմակերպմանն ու անցկացմանը: Փոխվարչապետը շնորհակալություն է հայտնել միջազգային եւ տեղական կազմակերպություններին գործընթացին օժանդակելու համար, ինչպես նաեւ Հայ Առաքելական եկեղեցուն` իրազեկման աշխատանքներին աջակցության պատրաստակամություն հայտնելու համար: Նա նշել է, որ բոլոր պայմաններն ապահովված են գործընթացի բնականոն իրականացման համար,  եւ հույս է հայտնել, որ միջոցառումը կանցկացվի հավուր պատշաճի: