Եվրախորհրդարանն ընդունում է Պաղեստինի անկախության օրինականությունը

Եվրախորհրդարանը բանաձեւ է ընդունել, ըստ որի` Պաղեստինի ինքնավարության ազգային վարչակարգի` իրենց անկախությունը ճանաչելու մասին խնդրանքն օրինական է. տեղեկացնում է mignews.com-ը:

Բանաձեւում միաժամանակ նշվում է, որ Պաղեստին պետության ստեղծմանը կարելի է հասնել միայն Իսրայելի հետ բանակցությունների միջոցով: Եվրախորհրդարանականները կոչ են արել իսրայելցիներին եւ պաղեստինցիներին` համաձայնության գալ մեկ տարվա ընթացքում:

«Անկասկած է, որ պաղեստինցիները սեփական երկիրն ունենալու իրավունք ունեն, նաեւ Իսրայելի իրավունքն է գոյություն ունենալ սահմաններում, որոնք կապահովեն նրա անվտանգությունը»,- ասվում է բանաձեւում: