Կուրիլներում սպասում են 8 մետր բարձրության ալիքի

Ավերածություններ գործելով եւ մարդկային կյանքեր խլելով Ճապոնիայում` «Ռոկե» մրրկահողմն այսօր առավոտյան Հարավային Կուրիլյան կղզիներ է բերել հորդառատ անձրեւներ ու քամի, որի հզորությունը Կունաշիրում փոթորկային ուժի է` 37 մետր վայրկյանում. տեղեկացնում է ИТАР-ТАСС-ը:

Կուրիլյան կղզիներում սպասում են 8 մետր բարձրության ալիքի: ՌԴ արտակարգ իրավիճակների ծառայության Հեռավորաեւելյան տարածաշրջանային կենտրոնը զգուշացնում է, որ փոթորիկն ու անձրեւները կարող են ծառեր տապալել, վնասել էլեկտրահաղորդման եւ կապի գծերը, խոչընդոտել տրասնպորտի երթեւեկությանը: Փրկարարները բնակչությանը խորհուրդ են տալիս սեփական անվտանգության միջոցներ ձեռնարկել, նաեւ անհարկի չօգտվել ավտոմեքենաներից: