Հրաժարվում են ոստիկանությանը որևէ բացատրություն տալ առանց փաստաբանների

Այսօր առավոտյան Երևանում` Սարյանի արձանի մոտ «Ազատ, անկախ Հայաստան» կոչ վանկարկելու համար ոստիկանները բերման են ենթարկել Հայաստանի անկախության տոնին նվիրված զորահանդեսին այլ երկրի զորախմբերի և օտար երկրի դրոշներով մասնակցության դեմ բողոքի խաղաղ քայլերթ իրականացնելու փորձի երկու մասնակիցների, այդ թվում` Գյումրիի «Ասպարեզ» ակումբի նախագահ Լևոն Բարսեղյանին:

Րոպեներ առաջ մեզ հաջողվեց կարճատև հեռախոսազրույց ունենալ Լևոն Բարսեղյանի հետ: Նա և ակցիայի ևս մեկ մասնակից`Առնո Կարը, այս պահին դեռևս գտնվում են Երևանի Կենտրոն համայնքի ոստիկանության բաժամունքում: Նրանք հրաժարվում են ոստիկանությանը որևէ բացատրություն տալ առանց փաստաբանների ներկայության:

«Շիրակ կենտրոն» ՀԿ