Օբաման հանդիպելու է Լիբիայի նոր ղեկավարության հետ

Այսօր ԱՄՆ նախագահ Բարաք Օբաման Նյու Յորքում հանդիպում է ունենալու Լիբիայի Ազգային անցումային խորհրդի ղեկավար Մուստաֆա Աբդել Ջալիլի հետ: Հանդիպումն անցկացվելու է ՄԱԿ-ի Գլխավոր ասամբլեայի նստաշրջանի շրջանակներում. տեղեկացնում է «Ազատություն» ռադիոկայանը:

Այսօր Նյու Յորքում ծրագրված է նաեւ աշխարհի առաջատար պետությունների ներկայացուցիչների հավաք, որի ընթացքում քննարկվելու են Լիբիային օգնություն ցուցաբերելու հարցեր:

ՄԱԿ-ի անդամ երկրների մեծ մասը ճանաչել է լիբիական նոր իշխանությունների լեգիտիմությունը: Սակայն Ազգային անցումայիհ խորհուրդը դեռ չի կարողանում վերահսկողություն սահմանել երկրի որոշ տարածքների վրա: Գահընկեց արված Մուամար Կադաֆիի կողմնակիցները շարունակում են դիմադրություն ցույց տալ Բենի Վալիդ, Սիրտ եւ Սաբհա քաղաքներում: Բացի այդ` տարաձայնությունների պատճառով նոր կառավարություն դեռ չի ձեւավորվել: