Հրդեհ` բենզալցակայանում

Երեկ հրդեհվել է Գյումրի քաղաքի Տերյան-Տիգրանյան փողոցների խաչմերուկում գտնվող բենզալցակայանը:

Ինչպես տեղեկացնում է ԱԻՆ «Արտակարգ ալիք» լրատվականը, այրվել են բենզալցակայանին կից  ավտոտեխսպասարկման կետը, պլաստմասսայից տարրաներում պահեստավորված 400 լիտր ավտոմեքենայի յուղ, ինչպես նաև ավտոտեխսպասարկման կետի մոտ կանգնած` Վ.Իգիթյանին պատկանող ՎԱԶ-2199 մակնիշի 04 ԼԼ 155 պետհամարանիշով ավտոմեքենայի շարժիչի հատվածը, անվադողերը, արտաքին ներկաշերտը և Գ.Համբարյանին պատկանող BMW-X 5 մակնիշի 19 ՕԼ 974 պետհամարանիշով ավտոմեքենայի առջևի ձախ անվածածկոցը:

Մինչև հրշեջ-փրկարարների դեպքի վայր հասնելը ավտոտեխսպասարկման կետի աշխատողներ` Է.Կարապետյանը և Ա.Հակոբյանը տարբեր աստիճանի այրվածքներով տեղափոխվել են Գյումրիի Գյուլբենկյանի անվան հիվանդանոց: