Թուրքիան խոչընդոտում է Իսրայելի` ՆԱՏՕ մուտքին

Անկարան սպառնում է վետո դնել Բրյուսելում` ՆԱՏՕ-ի կենտրոնակայանում, իսրայելական ներկայացուցչության բացման վրա. հայտարարել է Թուրքիայի արտգործնախարար Ահմեդ Դավութօղլուն CNN-Turk-ին տված հարցազրույցում:

Այս տարի Իսրայելը ջանքեր է գործադրել ՆԱՏՕ-ում` Միջերկրական ծովում Դաշինքի հետ համագործակցության շրջանակներում, իր ներկայացուցչությունը բացելու ուղղությամբ: Իսրայելի գործողությունները համաձայնեցված են եղել ԱՄՆ-ի հետ:

Սակայն ապրիլին Բեռլինում ՆԱՏՕ անդամ երկրների արտգործնախարարների հանդիպման ժամանակ Թուրքիան բողոք է հայտնել այդ կապակցությամբ` պատճառ բերելով «Ազատության նավատորմիղի» հետ կապված միջադեպը: Թուրք դիվանագետները, իհարկե, նշում են, որ վետոյի վերաբերյալ որոշումը անհետադարձելի չէ եւ կախված է քաղաքական իրադրությունից: