Պատարագ` Աղթամարի եկեղեցում

Երեկ Վանի Աղթամար կղզու Սուրբ Խաչ եկեղեցում Խաչվերացի տոնին նվիրված պատարագ է մատուցվել: Իրադարձությանն անդրադարձել են թուրքական բոլոր լրատվամիջոցները: Haberturk-ը հիշեցրել է, որ սա վերանորոգումից հետո արդեն երկրորդ պատարագն է, որ մատուցվում է սեպտեմբերի երկրորդ շաբաթ օրը:

Hurriyet-ը գրել է, որ պատարագին 2000 հայ է մասնակցել: Մոտ 3 ժամ տեւած պատարագը մատուցել է Սահակ եպիսկոպոս Մասալյանը, սակայն ներկա է գտնվել նաեւ Պոլսո հայոց փոխպատրիարք Արամ արքեպիսկոպոս Աթեշյանը:

Կղզու անվտանգությունը ոստիկանները հսկել են ուղղաթիռներով:

Ինչպես տեղեկացնում են թուրքական լրատվամիջոցները, պատարագից հետո կղզում օրհնված հաց է բաժանվել, ինչից հետո ուխտավորները հեռացել են կղզուց: