Բռնցքամարտիկը վաճառում է Մեդվեդեւի նվիրած ավտոմեքենան

Բռնքամարտի կրկնակի օլիմպիական չեմպիոն Ալեքսեյ Տիշչենկոն հայտարարել է, որ ստիպված է վաճառել BMW X5 մակնիշի ավտոմեքենան, որն իրեն նվիրել է ՌԴ նախագահ Դմիտրի Մեդվեդևը Պեկինում օլիմպիական խաղերում չեմպիոն դառնալու առթիվ: Պատճառը ֆինանսական միջոցների սղությունն է:

«Հասկանալի է, որ չէի ցանկանա վաճառել մեքենան, բայց այդպես են ստիպում կյանքի որոշ հանգամանքներ: Նախ` գումար է պետք տուն կառուցելու համար, երկրորդ` գումար է պետք Օմսկի շրջանի օրենսդիր մարմնի ընտրություններին մասնակցելու համար»,- ասել է մարզիկը:

«Նովոստի» գործակալությունը հաղորդում է, որ Տիշչենկոն մեքենան աճուրդի հանելու մասին գրել է իր պաշտոնական կայքում: Ավտոմեքենայի նախնական գինը 2.5 միլիոն ռուբլի է:

Տիշչենկոն մեծ սպորտից հեռացել է 26 տարեկանում` ծանր վնասվածք ստանալու պատճառով: Վերջին տարիներին նա եղել է Օմսկի շրջանի օրենսդիր խորհրդի պատգամավոր: