Ամերիկացիները դժգոհ են Օբամայից

ԱՄՆ նախագահ Բարաք Օբամայի վարկանիշը ռեկորդային կերպով իջել է վերջին երեք տարվա ընթացքում. եթե նրա ամենաբարձր վարկանիշը նախագահությունը ստանձնելու երդման արարողությանը հաջորդած ժամանակաշրջանն էր, ապա այժմ ամենացածրն է. գրում է The Washington Post-ը:

WashingtonPost-ABC News հեռախոսային հարցումները ցույց են տվել, որ ամերիկացիների 60 տոկոսից ավելին դժգոհ է Օբամայի վարած տնտեսական քաղաքականությունից, քանի որ դրա հետեւանքով գործազրկությունը դարձել է համար առաջին խնդիրը:

Հարցվածների կեսը «խիստ քննադատում է» Օբամայի քաղաքականությունը, իսկ նրան ընտրածների 2/3-ը հիասթափված է:

Նշվում է, որ վարկանիշային նման կտրուկ անկումներ նկատվել են նաեւ Ռոնալդ Ռեյգանի, Բիլ Քլինթոնի եւ Ջորջ Բուշ կրտսերի մոտ: Սակայն, ի տարբերություն, առաջին երկուսի, Բուշի վարկանիշն այդպես էլ չի բարձրացել մինչեւ պաշտոնավարման ավարտը: