Եվս մեկ վերանորոգված մանկապարտեզ՝ Ստեփանակերտում

Այսօր տեղի է ունեցել Ստեփանակերտի թիվ 2 մանկապարտեզի վերանորոգված մասնաշենքի բացման հանդիսավոր արարողությունը, որին մասնակցել է նաեւ ԼՂՀ նախագահ Բակո Սահակյանը։

Նախագահը կարեւորել է հանրապետությունում եւ մայրաքաղաքում նախադպրոցական ցանցի ընդլայնումն ու զարգացումը, միջազգային չափանիշներին համապատասխան մանկապարտեզների առկայությունը եւ երախտագիտություն հայտնել «Բեյզ Մեթըլս» ընկերությանը` մանկապարտեզի վերանորոգման աշխատանքները ֆինանսավորելու համար:

Հիշեցնենք, որ այս ծրագիրը հանրապետության հանքարդյունաբերության ոլորտի ամենախոշոր ընկերության բարեգործական ծրագրերից մեկն է. 2003-2010թթ. ընկերությունը բարեգործական նպատակներով ծախսել է  973 միլիոն դրամ, որից միայն  310-312 մլն դրամը՝ 2010 թվականին։ Այսօր շուրջ 1200 աշխատող ունեցող ընկերությունը համարվում է Ղարաբաղի ամենախոշոր հարկատուն: