ԺՈՂՈՎՈՒՐԴ. Ցուցմունք է տվել շեֆի դեմ

Թերթի` ՀՀ հատուկ քննչական ծառայությանը մոտ կանգնած աղբյուրները տեղեկացնում են, որ ՃՈ պետ Մարգար Օհանյանն արդեն իսկ ցուցմունքներ է տալիս ՀՀ ոստիկանապետ Ալիկ Սարգսյանի դեմ: Եվ այս ֆոնին ուժային կառույցներում կրկին ակտիվացել են Սարգսյանի պաշտոնանկության մասին լուրերը, որոնք չեն դադարում նրա նշանակման առաջին իսկ օրվանից:

Չի բացառվում, որ Ալիկ Սարգսյանի պաշտոնանկությունն այլ պատճառ եւս ունենա` կապված Կոնգրես-իշխանություն առայժմ առկախված երկխոսության վերջին արդյունքների հետ: Այսինքն` եթե այն շարունակվի, եւ Կոնգրեսը հասնի նրան, որ իշխանությունը գնա արտահերթի, ապա Հայ ազգային կոնգրեսը փորձելու է այս պաշտոնում նշանակել այն մարդուն, ով իր համար ընտրությունների չկեղծման երաշխավոր կարող է դառնալ: