Վստահ նայել առաջ

Այս տարի ուսանողների թիվը զգալիորեն քիչ է, և մի շարք մասնագիտությունների գծով առաջին կուրսեր չեն լինի. լրագրողների հետ հանդիպման ժամանակ հայտարարեց ԵՊՀ ռեկտոր Արամ Սիմոնյանը:

Եվ քանի որ բուհերը նախապես գիտեին, որ այս տարի դիմորդների թիվը քիչ է լինելու, նրանք կրթության եւ գիտության նախարարության հետ դժվարությունները հաղթահարելու համար մի շարք միջոցառումներ են ձեռնարկել:

«Կուտակվել են ֆինանսական պաշարներ, որոնք էլ կօգտագործվեն այդ խնդիրները լուծելու համար: Այստեղ կարևորը սոցիալական խնդիրն է, և անկախ ուսանողների թվից, պահպանվելու է պետական վարկավորումը, ինչն էլ թույլ կտա վստահ նայել առաջ»,- հավաստիացրեց ԵՊՀ ռեկտորը:

Նրա խոսքով` այս տարի բարձր մակարդակի է հասցվել բուհական համագործակցությունը, ինչն էլ հնարավորություն է տալիս լինելու միասին բոլոր խնդիրները լուծելու ճանապարհին: