ԱՌԱՎՈՏ. Wikileaks-ն "Առավոտին" էլ հասավ

Wikileaks կայքի ուրբաթ օրը գաղտնազերծած փաստաթղթերից մեկը վերաբերում է 2008-ի ապրիլին Սյունիքի մարզպետ Սուրիկ Խաչատրյանին առնչվող սկանդալին, երբ «Առավոտը» հրապարակել էր, որ նա ծեծի է ենթարկել գորիսեցի մի պատանու, սակայն կառավարության քննության արդյունքում «պարզվել է», թե այդ լուրը չի համապատասխանում իրականությանը:

«Սա Խաչատրյանի (որը Սյունիքը փաստացի իշխում է ֆեոդալի նման) կամ նրա ընտանիքի հետ կապված առաջին սկանդալը չէ,- ԱՄՆ պետքարտուղարությանն ուղղված զեկուցագրում գրել է Հայաստանում ԱՄՆ գործերի հավատարմատար Ջոզեֆ Փենինգթոնը:- Չնայած մենք առաջին ձեռքից տեղեկատվություն չունենք` «Առավոտի» հրապարակումը հերքելու կամ հաստատելու համար, թերթի կողմից իրադարձությունների մեկնաբանությունը, սակայն, առաջին հայացքից ավելի հավաստի է թվում, քան պաշտոնական վարկածը»: