Բացառապես գրական հայերենով. ապե, ապե, ապելսին

Հունիսի 27-ից ուժի մեջ է մտել օրենք, ըստ որի` գովազդների լեզուն բացառապես գրական հայերենն է:

Դեռ 2 ամիս առաջ, երբ օրենքը կիրառության մեջ չէր մտել, ԵՐԿԻՐ-ը հարցրել էր Լեզվի պետական տեսչության պետ Սերգո Երիցյանին, թե արդյո՞ք օրենքը տարածվում է նաեւ մինչ այս նկարահանված գովազդների վրա, պարոն Երիցյանը պատասխանել էր, թե` միանշանակորեն:

Եվ իսկապես, կարծես, նկատելի դարձավ, որ գովազդները գրական հայերենով են, սակայն մեր ուրախությունը կարճ տեւեց: Երբ լեզվի տեսչության աշխատակիցները պառկում են քնելու, երեկոյան ժամերին շարունակում է եթեր գնալ. «Կազինո ես խաղում, հը՞ն, այ լոխ» բացառապես գրական հայերենով հնչող գովազդը:

Ավելին, եթեր է ներխուժել նոր գովազդ. ցերեկը, երբ լեզվի տեսչության աշխատակիցները գնում են ընդմիջման, պաղպաղակ գովազդող մի ճղճղան ձայնբացառապես գրական հայերենով ասում է. «Ապե, ապե, ապելսին...»:

Հ. Գ. Հիշեցնում ենք Լեզվի տեսչությանը` գովազդների լեզուն բացառապես գրական հայերենն է: