Դատապարտվել են Facebook-ում ջարդեր իրականացնելու կոչերի համար

Մեծ Բրիտանիայի Չեշիր կոմսության երկու բնակչի դատապարտել են 4 տարվա ազատազրկման օգոստոսի 6-10-ը Անգլիայում տեղի ունեցած զանգվածյին անկարգությունների օրերին Facebook սոցիալական ցանցում ջարդեր իրականացնելու կոչեր տարածելու համար. տեղեկացնում է France Presse գործակալությունը:

20-ամյա Ջորդան Բլեքշոուի եւ 22-ամյա Փերի Սատկլիֆ-Կինանի դատավճիռները կայացվել են երեկ: Ըստ կոմսության ոստիկանության ներկայացուցչի` դատավճիռն այն փաստի հավաստիքն է, որ սոցիալական ցանցերի միջոցով հնարավոր է հանցագործություններ սադրել, նաեւ ապացուցում է, որ հակաօրինական գործողություն իրականացնելու ցանկացած կոչ կպատժվի օրենքի ողջ խստությամբ: