Ճապոնացիները շոգին չեն դիմանում

Ավելի քան 7000 ճապոնացիներ վերջին շաբաթվա ընթացքում հոսպիտալացվել են «ջերմային հարված» ախտորոշմամբ, նրանցից 15-ը մահացել են: Այդ մասին, ըստ ИТАР-ТАСС-ի, տեղեկացրել է Ճապոնիայի հրդեհային անվտանգության վարչությունը, որն իրականացնում է արտակարգ իրավիճակների նախարարության գործառույթները:

Հիվանդանոց տեղափոխվածների մեծ մասը Տոկիոյի բնակիչներն են` 727 մարդ: Տուժածների 44 տոկոսը 65 տարեկանից բարձր տարիքի մարդիկ են, 45 տոկոսը` 18-64 տարեկան:

Այս տարվա շոգ ամռանը զուգահեռ Ճապոնիայի մի շարք շրջաններում, էլեկտրաէներգիայի խնայողության նկատառումներից ելնելով (ատոմակայանները կանգնեցված են), բնակիչները չեն կարողանում օդորակիչներ միացնել: