Փախուստ զորամասից (լրացված)

ԼՂՀ-ում տեղակայված զորամասերից մեկից երեկ փախուստի են դիմել երկու ժամկետային զինծառայողներ: Չճշտված տեղեկություններով` զինվորների փախուստի պատճառը սպաների անմարդկային վերաբերմունքն է:

Զորամասը լքած զինվորները հայտարարել են, որ ոչ մի դեպքում զորամաս չեն վերադառնա, քանի որ իրենց սպառնացել են սպանել:

Ներկա պահին ռազմական ոստիկանությունը որոնում է նրանց: Տղաների` Ղարաբաղ մեկնած ծնողները նույնպես փնտրում են նրանց:

Մեկնաբանություն ստանալու նպատակով «Երկիր»-ը զանգահարեց ՀՀ պաշտպանության նախարարության քննչական վարչության հասարակայնության հետ կապերի պատասխանատու Մերի Սարգսյանին, որը մոտ մեկ ժամ որոշ հարցեր ճշտելուց հետո մեզ հայտնեց, որ տեղեկատվությունն իրականությանը չի համապատասխանում: