ՀԲ-ին մտահոգում են սննդամթերքի բարձր գները

Համաշխարհային բանկը հայտարարում է, որ աշխարհում սննդամթերքի բարձր գները վտանգավոր իրադրություն են ստեղծում զարգացող երկրներում, որտեղ սուր է դրված սովի եւ խմելու ջրի անբավարարության հարցը:

Թեեւ փերտվարից գները որոշ չափով իջել են, սակայն, միեւնույն է, միջինում դրանք 30 տոկոսով բարձր են, քան անցյալ տարի. ըստ BBC-ի` ասվում է բանկի զեկույցում: Որոշ սննդատեսակների գներն աճել են ավելի քան 50 տոկոսով, օրինակ` եգիպտացորենը թանկացել է 84 տոկոսով, ցորենը` 55:

Համաշխարհային բանկին անհանգստացնում են նաեւ սննդամթերքի պաշարների ոչ մեծ ծավալները: Այդ հանգամանքը, բանկի փորձագետների կարծիքով, անկայուն իրավիճակ է ստեղծում շուկայում եւ խթանում գների աճը: