ՀԱՅԿԱԿԱՆ ԺԱՄԱՆԱԿ. Մեկդ իջեք աթոռից

Հայաստանում բիզնեսն ու իշխանությունը նույն աթոռին են նստած, և մեկը պետք է իջնի այդ աթոռից: Երեկ այդպիսի հայտարարություն է արել ամերիկահայ ռոք երգիչ և երգահան, System of a Down խմբի մեներգիչ Սերժ Թանգյանը:

Նա հանդիպել է քաղաքացիական հասարակության ներկայացուցիչների հետ և գովաբանել է այն աշխատանքը, որը տանում են հասարակական կազմակերպությունները: Թանգյանն ընդգծել է, որ Հայաստանում պետք է հաստատել օրենքի գերակայությունը: «Մենք  չենք կարող միայն խոսել»,- նկատել է երաժիշտը:

Ուշագրավ է, որ երեկ կայացած հանդիպման ընթացքում Թանգյանը հաճախ է օգտագործել «մենք», «մեր երկիրը» արտահայտությունները: Առաջին դեպքում խոսքը վերաբերել է հայ ժողովրդին, իսկ ահա երկրորդի դեպքում նա նկատի է ունեցել Հայաստանը: