Չավեսը փրկում է Սոմալին "վայրի կապիտալիզմից"

Վենեսուելայի նախագահ Ուգո Չավեսը հայտարարել է, որ իր երկիրը Սոմալիին 5 մլն դոլարի օգնություն է ցուցաբերելու, նաեւ աֆրիկյան այդ երկրի սովյալներին 50 տոննա սննդամթերք է տրամադրելու:

Կուբայում քիմիաթերապիայի կուրս անցնող Չավեսը երեկ զանգահարել է Վենեսուելայի պետական հեռուստաընկերություն եւ տեղեկացրել, որ հրաման է ստորագրել «վայրի կապիտալիզմի մեղքով սովի մատնված Սոմալիին» փրկելու վերաբերյալ:

Նախագահը նշել է նաեւ, որ շուտով Սոմալի է ուղարկվելու զինված ուժերի ներկայացուցիչներից կազմված հանձնաժողով, որը տեղում պարզելու է, թե ինչ այլ օգնություն կարող է ցուցաբերել Վենեսուելան. տեղեկացնում է mignews.com-ը: