Բանավեճը դեռ շարունակվում է

ԱՄՆ վարչակազմը եւ Կոնգրեսը դեռ շատ հեռու են պետպարտքի վերին սահմանի բարձրացման եւ բյուջետային դեֆիցիտի կրճատման հարցում համաձայնության հասնելուց. այսօր հայտարարել է Սպիտակ տան պաշտոնական ներկայացուցիչ Ջեյ Քարնին:

«Մենք չենք եկել համաձայնության»,- ասել է նա` մեկնաբանելով մի շարք ամերիկյան ԶԼՄ-ների տեղեկությունները, թե Բարաք Օբաման եւ նրա գլխավոր ընդդիմախոս` Կոնգրեսի Ներկայացուցիչների պալատի խոսնակ Ջոն Բեյները իբր սկսել են դիրքորոշումների մերձեցման գործընթացը. տեղեկացնում է ԻՏԱՌ-ՏԱՍՍ-ը:

Քարնին, սակայն, հույս է հայտնել, որ «համաձայնեցմանն ուղղված հավասարակշռված մոտեցում կլինի»: Նրա խոսքերով` բանավեճը դեռ շարունակվում է:

Դա հաստատել է նաեւ Բեյների գրասենյակը: «Թեեւ բանակցությունների ճանապարհները բաց են, բայց որեւէ համաձայնություն կամ առաջընթաց չկա, որոնց մասին կարելի կլիներ տեղեկացնել»,- ասել է նրա պաշտոնական ներկայացուցիչը: