ՀՐԱՊԱՐԱԿ. Խրախճանք` մարմնավաճառների հետ

Մամուլում գրվեց, որ Շենգավիթի քննչականի մի խումբ քննիչներ օրերս որոշել են մի քիչ լիցքաթափվել եւ խրախճանք են կազմակերպել հենց բաժնում` բերման ենթարկված մարմնավաճառների հետ:

Սակայն, մեր տեղեկություններով, քեֆը տեղի է ունեցել համայնքի օբյեկտներից մեկում: Խրախճանքն այնքան բուռն է եղել, որ բանը հասել է բարձրաձայն հայհոյանքների: Կատարվածի մասին տեղեկացել է Շենգավիթի ոստիկանապետը եւ այդ մասին զեկուցագիր է գրկել Ալիկ Սարգյանին:

Ոստիկանության լրատվականից տեղեկացանք, որ Շենգավիթի քննչականի աշխատակիցներից մեկի նկատմամբ, ում անունը չի հրապարակվում, ծառայողական քննություն է սկսվել: Թե ինչո՞ւ այդ մեկի, երբ մասնակիցները շատ են, դեռեւս պարզ չէ: Հավանաբար նա ամենաբարձրն է հայհոյել: Կամ ամենաանպաշտպանն է: