Ո՞ւր են հոսում փողերը

Ըստ կանխատեսումների` ընթացիկ տարում Ռուսաստանից կապիտալների արտահոսքը կկազմի 35 մլրդ դոլար: «2010 թ. երկրից զուտ արտահոսքը կազմել է 27 մլրդ դոլար, 2009-ին` 44 մլրդ դոլար: Այդ միտումը շարունակվում է նաեւ 2011-ին, եւ ըստ կանխատեսումների` կկազմի մոտ 35 մլրդ դոլար»,- Երեւան-Մոսկվա տեսակամրջի ժամանակ ասաց Ռուսաստանյան բանկային ասոցիացիայի վերլուծական դեպարտամենտի տեղակալ Սերգեյ Գրիգորյանը:

«Այլընտրանք» հետազոտական կենտրոնի ղեկավար Թաթուլ Մանասերյանն էլ նշեց, որ կապիտալի արտահոսքի խնդիր ունեն նաև հարևան հանրապետությունները: «Մոտ 400 մլն դոլարի կապիտալ ամեն տարի Հայաստանից Վրաստան է արտահոսում, որից 100 մլն դոլարը բաժին է ընկնում Վրաստանում հանգստանալու մեկնող զբոսաշրջիկներին, իսկ 300 մլն դոլարը բիզնես-կապիտալն է»,- ասաց նա: