ՀՐԱՊԱՐԱԿ. Բաց մրցույթ, բայց նշանակովի պաշտոններ

Երեկ ՀՀ կրթության եւ գիտության նախարարությունը հայտարարել է բաց մրցույթ Երեւանի Կոմիտասի անվան պետական կոնսերվատորիայի եւ Հայաստանի պետական ճարտարագիտական համալսարանի ռեկտորի թափուր պաշտոնը զբաղեցնելու համար:

Մրցույթին մասնակցելու համար փաստաթղթերը ներկայացնելուն տրվել է մեկ ամիս ժամանակ. հավակնորդները հայտերը կարող են ներկայացնել հուլիսի 25-ից մինչեւ օգոստոսի 25-ը: Իսկ ռեկտորի մրցույթը երկու բուհերի դեպքում էլ տեղի է ունենալու սեպտեմբերի 3-ին, ժամը 11-ին` յուրաքանչյուրն իր հաստատության շենքում:

Նախնական տվյալներով` կոնսերվատորիայի ռեկտորի հավակնորդ են ռեկտորի պաշտոնակատար Շահեն Շահինյանը եւ կոմպոզիտոր Ավետ Տերտերյանի որդին` Ռուբեն Տերտերյանը:

Ճարտարագիտականի դեպքում հիմնական հավակնորդը ԿԳ փոխնախարար, ՀՀԿ-ական Արա Ավետիսյանն է: Սակայն երեկ նոր անուն էր շրջանառվում` ՀՀ նախագահի աշխատակազմի ղեկավարի տեղակալ Արա Գյուրջյանի անունը: