Հերթական բնապահպանական 4 մլն-ոց դրամաշնորհը

Հերթական անգամ գերմանական Վերակառուցման եւ զարգացման բանկը (KFW) 4 մլն դոլար դրամաշնորհ կհատկացնի Հայաստանին` բնապահպանական ծրագրեր իրականացնելու համար:

Այս անգամ հիշյալ բանկը դրամաշնորհը հատկացնելու է Սյունիքի մարզում «Շիկահող կենսոլորտային պահպանավայրի ստեղծման ծրագրի» իրականացման համար:

Այսօր դրա վերաբերյալ համաձայնագիր են ստորագրել Հայաստանի ֆինանսների նախարարը եւ բնապահպանության նախարարը, գործադիր մարմնի երկու պաշտոնյաների ստորագրությունների կողքին իր ստորագրությունն է դրել KFW հայաստանյան ներկայացուցիչ Զառա Չատինյանը:

Այդ գումարով նախատեսվում է բարելավել Սյունիքի մարզի Ճակատեն, Շիկահող, Սրաշեն, Ներքին Հանդ եւ Ծավ գյուղերի բնապահպանական վիճակը, ինչպես նաեւ խթանել այդ համայնքների սոցիալ-տնտեսական զարգացումը: Բացի այդ` կարտադրվեն ապրանքներ` «կենսոլորտային արգելավայր» պիտակով:

Հիշեցնենք, որ գերմանական KFW բանկի կողմից ֆինանսավորվել է նաեւ Արփի լիճ ազգային պարկի ստեղծումը: