Քադաֆին կարող է "երկիր-երկիր" հրթիռներ կիրառել

Մուամար Քադաֆիի վարչակազմը կարող է «երկիր-երկիր» հրթիռներ կիրառել, եթե ապստամբներին հաջողվի գրավել Լիբիայի մայրաքաղաք Տրիպոլին. «Իզվեստիա» թերթին տված հարցազրույցում տեղեկացրել է աֆրիկյան երկրներում ՌԴ նախագահի հատուկ ներկայացուցիչ Միխայիլ Մարգելովը`հավելելով, որ այդ մասին իրեն ասել է Լիբիայի վարչապետը:

Նա կասկածելի է համարել ամերիկյան հետախուզության տվյալները, թե Լիբիայի կառավարական ուժերի զինամթերքը սպառման եզրին է:

«Քադաֆին մինչ օրս ոչ մի «երկիր-երկիր» հրթիռ չի կիրառել, իսկ դրանցից նա բավարար քանակով ունի: Դա կասկածի տակ է դնում զինամթերքի սպառտման մասին տվյալները: Տեսականորեն Տրիպոլիին կարող են չբավարարել տանկերի զինամթերքը, հրազենի փամփուշտները Իսկ ահա հրթիռներ եւ պայթուցիկ գնդապետը բավարար չափով ունի»,- հայտարարել է նա: