"Ոսկե ծիրան"-ի միակ հանդիսատեսը

Ասում են` լրագրողները միայն վատ երեւույթներն են լուսաբանում: Իսկ երբ վատը տեսնում ենք, ի՞նչ անենք` ա՞չք փակենք, չտեսնելո՞ւ տանք:

«Ոսկե ծիրան» միջազգային կինոփառատոնի շրջանակներում` Նարեկացի արվեստի միությունում, ցուցադրվում էր հերթական` Նեֆին Դինչի «Մյուս քաղաքը» ֆիլմը: Ֆիլմի ցուցադրությանը ներկա էր, որքան էլ որ զարմանալի է կամ ոչ, մեկ հանդիսատես` Սարգսյան Սարգիսը: Նա նշեց, որ ֆիլմը շատ դուր եկավ իրեն, իսկ թե ինչու է դահլիճը դատարկ, պատասխանեց. «Չգիտեմ»:

Ֆիլմի ժամանակ անընդհատ մտածում էի. «Բա որ Սարգիսը հանկարծ գնա ծխելու կամ էլ դուրս գա` հեռախոսազանգի պատասխանելու, ում համար է ցուցադրվելու ֆիլմը»:

Բարեբախտաբար, Սարգիսը որոշեց չծխել ֆիլմի ընթացքում, իսկ հեռախոսազանգերին չէր պատասխանում:

Ի դեպ, մուտքն ազատ էր եւ այս անգամ դատարկ դահլիճը կապ չուներ ֆինանսական ճգնաժամի հետ: