Առողջապահության նախարարության խորհուրդները

Վերջին շաբաթվա ընթացքում արձանագրված շոգ եղանակի կապակցությամբ ՀՀ առողջապահության նախարարությունը խորհուրդ է տալիս` այն դեպքերում, երբ աշխատատեղերում, աշխատանքի բնույթից կախված, հնարավոր չէ ապահովել պատշաճ ջերմաստիճանային ռեժիմ (օդի լավորակում), հատկապես` ծանր ֆիզիկական եւ լարված մտավոր աշխատանքների դեպքում աշխատողներին հովանալու եւ հանգստանալու հնարավորություն տրամադրել, ապահովել բարձր ջերմաստիճանի ազդեցությունից պաշտպանվելու միջոցներ, օրինակ` գլխարկներ` բաց գույնի եւ բնական նյութերից, օդափոխությունը ապահովող արտահագուստ, ստվեր առաջացնող հովանոցներ, ակնոցներ եւ այլն:

Ապահովել բարձր ջերմաստիճանի ազդեցությունը մեղմելու համար անհրաժեշտ պայմաններ` խմելու ջուր, հանքային ջուր, թան եւ այլն:

Մի պահ փորձենք պատկերացնել` ինչ-որ բացօթյա սրճարանում մատուցողները շրջում են բամբակյա գլխարկներով եւ արեւային ակնոցներով, իսկ տնօրենները ժամը մեկ բարեխղճորեն կանչում են մատուցողներին եւ ստիպում, որ զովացուցիչ ըմպելիք խմեն... Ֆանտաստիկ գրականության ժանրից է: