Նշվելու է պատանդ դելֆինների օրը

Ամբողջ աշխարհում հուլիսի առաջին շաբաթը նշվում է որպես Պատանդ դելֆինների համաշխարհային շաբաթ, իսկ հուլիսի 4-ը`  Պատանդ դելֆինների միջազգային օր: 

Ըստ «Էկոլուրի»` ամբողջ աշխարհում այդ օրն անցկացվելու են անազատության մեջ պահվող դելֆինների պաշտպանության ակցիաներ:

Հուլիսի 4-ին դելֆինների պաշտպանները Երեւանում նույնպես մտադիր են ակցիա կազմակերպել` «Նեմո» դելֆինարիումի մոտ:

«Մենք ցանկանում ենք ասել, որ մեր դելֆինարիումի դելֆինները պատանդներ են: Մենք կբաժանենք թերթիկներ, որոնցում բացահայտվում են դելֆինների վարժեցման գաղտնիքները»,- ասում է «Թռչնասերների կենտրոն» ՀԿ-ի նախագահ Սիլվա Ադամյանը: Նրա խոսքերով` տեղեկատվությունը պատրաստել են ուկրաինացի գործընկերները: