Հասա՞վ իր մուրազին

ՀՀ կրթության և գիտության նախարար Արմեն Աշոտյանի հրամանով` դադարեցվել են Երևանի Կոմիտասի անվան պետական կոնսերվատորիայի ռեկտոր Սերգեյ Սարաջյանի լիազորությունները: Հիմք է ընդունվել Սերգեյ Սարաջյանի դիմումը:

Նախարարի մեկ այլ հրամանով` Երևանի Կոմիտասի անվան պետական կոնսերվատորիայի ռեկտորի պարտականությունների կատարումը հանձնարարվել է ուսումնական աշխատանքների գծով պրոռեկտոր Շահեն Շահինյանին՝ մինչև ՀՀ օրենսդրությամբ սահմանված կարգով ռեկտորի ընտրությունն ու նշանակումը:

Հիշեցնենք, որ օրեր առաջ «Ազգը» գրել էր, որ հեղինակավոր մի շարք արվեստագետներ համապատասխան դրամական վարձատրության դիմաց բարեխոսել էին բարձրաստիճան մի պաշտոնյայի մոտ, որպեսզի կոնսերվատորիայի ռեկտոր նշանակվի Շահեն Շահինյանը, որն, ի դեպ, Երեւանի Գումի շուկայի մսի պասաժներից մեկի սեփականատերն է: