Ավետիս` գյուղացիներին

Ագրարագյուղացիական միավորման եւ ոստիկանության միջեւ ձեռք բերված պայմանավորվածության համաձայն` այսուհետ գյուղմթերքով բեռնված մեքենաները պետավտոտեսուչների կողմից չեն կանգնեցվելու. այսօր լրագրողներին հայտնեց միավորման նախագահ Հրաչ Բերբերյանը` հավելելով. «Բացառությամբ լուրջ խախտումների»:

Նա շեշտեց, որ եթե ոստիկանները փորձեն խոչընդոտներ ստեղծել գյուղացիների համար, կպատժվեն, իսկ շուկա շտապող գյուղացիները կարող են զանգահարել պետավատոտեսչությունում գործող թեժ գծի հեռախոսահամարին՝ 54-07-81։

Բանախոսը հայտնեց, որ այս քայլով իրենք ցանկացել են օժանդակել գյուղացիներին ու գյուղացիական տնտեսություններին եւ հեշտացնել գյուղմթերքի շարժը դեպի շուկա: