Արցախը դեմ է Մադրիդյան սկզբունքներին

«Գոյություն ունի երեք սկզբունք, որոնց շուրջ ձեռք է բերվել հակամարտության բոլոր կողմերի, այդ թվում՝ Ղարաբաղի համաձայնությունը։ Սկզբունքներից առաջինը ուժի և սպառնալիքի չկիրառումն է, ինչի հետ մենք լիովին համաձայն ենք։ Երկրորդը՝ տարածքային ամբողջականության սկզբունքն է. այս հարցում մեր հստակ դիրքորոշումն ունենք։ Եվ երրորդը՝ ինքնորոշման իրավունքն է, որի հիման վրա կառուցվում է մեր արտաքին քաղաքականությունը»,- ասել է Լեռնային Ղարաբաղի ԱԳ նախարար Գեորգի Պետրոսյանը՝ պատասխանելով ԼՂՀ Ազգային ժողովի պատգամավորների հարցերին։

«Այսպես կոչված` Մադրիդյան սկզբունքների հետ կապված ձևաչափն ու մոտեցումները սխալ են։ Մենք ունենք իրավունքներ, որոնք չի կարելի արհամարհել, քանի որ մենք դրանց դիմաց շատ մեծ գին ենք վճարել»,- ասել է նա:

Գեորգի Պետրոսյանը հրաժարվել է որևէ կանխատեսում անել Ռուսաստանի նախագահի միջնորդությամբ այսօր Կազանում կայանալիք՝ Հայաստանի և Ադրբեջանի նախագահների հանդիպման վերաբերյալ։