ԺԱՄԱՆԱԿ. Ճոյտը ՕԵԿ-ին է անդամագրվելու

Տարիներ առաջ ԱԺ պատգամավորների մանդատից զրկված` «Ճոյտ» մականունով հայտնի Հակոբ Հակոբյանը ամեն գնով ցանկանում է կրկին ԱԺ պատգամավոր դառնալ եւ ընդգրկվել ՀՀԿ համամասնական ցուցակում:

Ըստ մեր աղբյուրների` նա ամեն ինչ արել է Հանրապետական կուսակցությանը, մասնավորապես ` Սերժ Սարգսյանին սիրաշահելու համար, բայց ՀՀԿ դռները թեկուզ խոստումների մակարդակով նրա առջեւ չեն բացվել:

Բայց քանի որ առջեւում ընտրություններն են, եւ ՀՀԿ-ի վրա ծանրացած ՕԵԿ-ի համար ծախս անող չկա, ՀՀԿ-ն Հակոբ Հակոբյանին առաջարկել է անդամագրվել ՕԵԿ-ին: Սրանից նա չի հրաժարվել եւ առաջիկայում կամ ընտրություններին ընդառաջ անդամագրվելու է ՕԵԿ-ին: