ՉՈՐՐՈՐԴ ԻՆՔՆԻՇԽԱՆՈՒԹՅՈՒՆ. Հայաստանը հաղթեց, Ադրբեջանը՝ հեռացավ

Լատվիայում անցկացվող «Ամբերսթար» երաժշտական հեռուստատեսային մրցույթ-փառատոնին (հիմնադիրներն են Ռայմոնդ Պաուլսը եւ հայտնի դերասանուհի Վիա Արտմանեն) այս տարի Հայաստանի Հանրապետությունը ներկայացնում էր երգչուհի, հեղինակ-կատարող Վարդուհի Դավթյանը՝ Վական: Փառատոնի մրցութային մասը կայացավ Շվեդիայի մայրաքաղաք Ստոկհոլմում: Գրան պրի գլխավոր մրցանակին արժանացավ Հայաստանի ներկայացուցիչը՝ Վական` «Օրիգինալ երգ» անվանակարգում:

Նա կատարեց փոփ-ռոք ոճում «Քոնն եմ» երգը, որի հեղինակն է Սերգեյ Գրիգորյանը:

Մրցութային երեք օրվա ընթացքում Հայաստանի ներկայացուցիչը ֆավորիտների շարքում էր: Մրցույթին մասնակցում էին տասնվեց երկրների ներկայացուցիչներ, այդ թվում՝ Վրաստանից եւ Ադրբեջանից; Ադրբեջանական պատվիրակությունը առաջին օրն իսկ լքեց մրցույթը եւ հեռացավ: